ابد ما يوم الفلك بالعدل ينفار
وكلبي اعلى الحبيب بنار ينفار
اكلة ما احبك خاف ينفار(يدوخ)
واذا كتلة احبك طغة علية
وحك من كون الاكوان وابســـــط
انه اسهل من نسيم الريح وابســـــط
چنت املك مخدة صوب وابســـــط
الاجوني فرهدو ذني من اديـة
أأمم بيها والجامع ورايه
وصفيت امشي وره الچانوا ورايه
نويت اهجم شلت سيفي ورايه
رماني بسهم عينه وطاح بيه
حديقه بعلم رب الكون ضليت
وعن درب العلم يا ناس ضليت
شجره وبس عله العاوين ضليت
وصرت سايق مخده وجودليه
غرامك فتت المهجه وسلها
وسهم غدرك مرد روحي وسلها
نجوم ليلك حلفها وسلها
ماحب غيرك لاخر نفس بيـه
هو:
عليّ ثوب الونـين اشكثـر .. حالي
شباب وهل شبت مـن دون .. حالي
انشدچ على احوالچ مثـل .. حالي
طايح والهموم اتشيل بيـه
هي:
هموم هواك ما خلن .. علي حال
فريضة وحبك من الله .. علي حال
يالتنشد على حالي .. علي حال
شيفيد النشد علي صار بيه
هو:
الج بس انتي گلبي .. ورجيته
ودمع العين يمـچ .. ورجيته
ابتعد كلمن نخيته .. والرجيته
ولا واحد اجاني وحـن عليه
هي:
رعيتك ليش گلبــك .. ما رعاني
ويهمك فت دليلـي .. وما رعاني
مره احبس بدمعي .. ومره اعاني
ومره اتطيح روحي ابين اديه
هي:
هجرك ياولف صايـــر .. بلا حد
مثل سيف اليگص رگبه .. بلا حد
رحت وآنه انتظر ترجـع .. بالاحد
اجه الاحـد ويمتـه اتعود اليه
هو:
احد سچين صبري وچــن .. ولاحد
التفت وما شفـت ربعي .. ولا حد
شچم سبت اليمر بيــه .. والاحد
اجي بس شوفتچ تصعب عليـه
هي:
لتهم بالعمر خلصـــان .. وحـــــده
وأنا ضعني سرى بالهــــوى .. وحــــــده
حلت جنها بعيونـك غير .. وحـــــده
وگمت لاتسأل ولاتمـر بيـه
هو:
غيرچ ماحلى ابعينـــــي .. ولاطاب
ولا دونچ دخل گلبــــــــــــــي .. ولاطاب
يجرحي وياچ ماهَّــــــــــــود .. ولاطاب
دم ينزف ولا تدريــن بيـه
هي:
محبتك تجري وي روحي .. ويدماي
وعليك انشلت اعظامي ..
ويدماي
انچويت أبأيد أنا ناري ..
ويدماي
ولكن مـن يطابگهـن سويـه
هو:
عليچ الروح راحــــت .. من يردهه
أوكيحه اهمومي صـارت .. من يردهه
خطيه الروح ملـــــت .. من يردهه
لأن بس الصبر لبس العليـه
الثلاثاء يونيو 17, 2008 2:46 am
