هم سندرلا بس بقلم نحوله

كان يامكان في قديم الزمان............يعني موكلش قديم الزمان هيج .............يعني وره ادم وحواء بشويه
كان اكو بنيه بعمر الورد اسمهه سندرلا ............هي مو بعمر الورد الورد يعني على معناس شويه..........هاي سندرلا تعيش ويه مرة ابوهه لان امهه ميته فه ابوهه اتزوج لان كلش جان ايحب زوجته ام سندرلا............هاي مرة ابوهه يمه تخوف يعني مو كلش تخوف يعني تشبه الواوي او هيج شي عدهه بنات 2 شون بنات الله يستر عليهن، خوش أحديثات وحده اسمهه ريا واللخ سكينه يعني ماكو هيج مدارين سندرلا الشغل كله عليهن بس سندرلا تكنس وتمسح وتغسل لهدوم واتركب... جان بذاك الزمن وين اكو تركيب بس ايسمو تركيب هو بس يشوون طليان ودجاج ويغلون مي حار ايسمو سوب ......يعني مو سوب سوب بس انكول شوربه..... ,يعني سندرلا كانت مرتاحه بعد كاعده يم الواوي وريا وسكينه يعني بنص اهلهه وامدللله............كان يحكم البلاد ملك حباب موكلش حباب يعني ضالم شويه .عنده ولد طبعا هذا الولد امير لان ابو ملك هاي عرفناها من كيفنه مو مكتوب بالقصه لان ابن الملك امير ...........خوش؟...........هذا الامير ميريد يتزوج لان البنات كاتلات نفسهن عليه وهو ديتفيك .......الملك طكت روحه ايريد ايزوجه للامير لان طوط حيل........فكر الملك ان ايقيم حفل كبير يدعو كل البنات الجيكرات حتى يختار وحده منهم الامير .......طبعا كلهن جيكرات فه اكيد الامير راح يلكي وحده تملخ يتزوجهه............ طبعا زوجة ابو سندرلا معزومه وبناتهه تريد تخلص منهم حمضو على افادهه قررت ان تحضر الحفل واتلبس بناتهه بدلات تهبل حتى ينجرعن شويه لان هنه كللللللش حلوات الله يستر عليهن ..........سندرلا الحبابه سالت زوجة ابوهه خيه انه اروحن وياجن للحفله؟كلتلهه شنو؟؟؟؟؟؟؟ بفرح لان هيه كلش تحبهه .....ولج غير اذا رحتي الامير راح يتخبل عليج...واني اريد امشي خواتج لمطوطات ..........المهم ماطولهه عليكم السالفه ........صار الاحتفال وراحن كلللللل لحديثات ماعدا سندرلا .....شنو طبعآ سندرلا طكت بجي من الفرح ..يعني مو كلش طكت يعني بس شكت هدومهه وهيه المسكينه من كاعها اهدومهه مشككه لان زوجة ابوهه حيل تحبهه....... وهيه دتبجي متشوف الا فاره تحاجيهه..ليش مثل فار هآلوكت.. بذاك الوكت جان الفار يحجي!! سالتهه الفاره السندرلا شبيج ليش تبجين؟؟ كلتلهه سندرلا هايه زوجت ابويه الغبيه متخليني اروح للحفله والله شنو ماعندي ملابس واني اتذكر عندي صدريه مال مدرسه اتخبل ولو اني ممسجله بالمدرسه لان مجان اكو مدارس ....... المهم الفاره انقهرت عليهه كلتلهه اصبري ياسندرلا والله كريم.............. المهم سندرلا ظلت تبجي والفاره تمسح بدموعهه..شون فار لا فار هلوكت ..كلشي تغير هلوكت الصديق ميمسح دموعك اله بعزيمه ........فاره تمسح الدموع اووووووووف ..........المهم بعد شويه متشوف سندرلا اله جنيّه تطلع من المرايه اخترعت سندرلا وكالت يممممممممممممممه......... كلتلهه الجنيه وحمه .. بابا لتخافين اني ساحره جايه اساعدج واجيبلج بدله من سهام العبيدي شبيج لتخبلينه تره ارجع هسه للمرايه واريد اشوف يامخبل يطلعلج ........ كلتلهه سندرلا اوي واشبيج عصبيه وشايله خشم عليه ..المهم منا حجايه منا حجايه صار ملخ بالشعر تالي اتصالحوا .........فه حبت الساحره اتساعد سندرلا لان خطيه سندرلا انضلمت من زوجة ابوهه ..............فه الساحره جابت السندرلا بدله اتخبل ..كللللللللللللش حلوه كلهه كشاكش ..بذاك الوكت جانت الكشاكش اخر عيطه طبعا لبستهه سندرلا طلعت اتخل لاكو قبلهه ولابعدهه بالجمال والساحره كلبت كل الفار عربه واحصونه .............اوووووووووووووووووووف لو اكو ساحره هسه ما اكلب كل ال على بالي خنفسان اووووووووووووف .............. المهم ماطول السالفه عليكم راحت سندرلا للحفله دخلت القاعه الكل سكت والموسيقه سكتت الكل ديباوع شنو هلكشاكش الدخلت عليهم انس ولا جن ملاك ولا ايش؟؟ الامير اتخبل على جمال سندرلا طبعا زوجة ابوهه معرفتهه ............الامير راسا طلب من سندرلا ان ترقص معا طبعا سندلا راسا وافقت ..........بنات اخر زمن .............. ظلت سندرلا بالحفله ملتهيه ويه الامير دقت الساعه 12 ليلا طبعا الساحره وصتهه كلتلهه ديري بالج تره ب 12 ترجعين لان السحر كله ايروح ترجعين بسرعه افتهمتي.......... من دكت الساعه يله اتذكرت الخاتون لزكت عبالك مشايفه امير ........طبعا كامت تركض تركض والامير يركض وراها فه تك من حذائها وكع وهيه كانت كلش مستعجله فه تركت الحذاء وراحت ..الامير جلب بالحذاء قره شكد النمره طلعت 36 طبعا سندرلا هاي ...........خوما مثل الباقيات كله 40 وهلم جرا............اخذ الامير الحذاء وكام ايدور ليل ونهار على صاحبة الحذاء ...........طبعا اتمرض المكرود من القهر .........تالي الملك انقهر علي فه صدر امر كل بنات الولايه لازم ايكدرون تك الحذاء واللي يجي عليهه يتزوجهه الامير وبدو الحراس والجنود بهذي المهمه ايدخلون على كل بيوت الولايه وايكدرون الحذاء على كلللللللللل البنات والامير معاهم ...........ظلو ايام وليالي يفترون الى ان داخ راسهم ..ماكو قياس 36 كله من 40 وشيل ايدك وصلو الى بيت سندرلا طبعا زوجة ابوهه طلعت بناتهه وظلو ايدحسوووووووون بالحذاء ميندحس ...فه سالهه الامير ماعندج بعد بنيه كلتله لا بس هلثنتين طبعا متريد اتطلع سندرلا اتكدر الحذاء ........ بس سندرلا جانت تكنس بالحديقه فه شافهه الامير كلهه منو انتي كالت اني سندرلا كلهه ممكن اتكدرين الحذاء ..هيه مصدكت طبعا راسا كدرته وطلع على كدهه ...........فرح الامير واخذ سندرلا وراح للقصر وامر ان تعاقب زوجة ابوهه بس سندرلا مرضت كالتله لا خطيه مهما ايكون هم جانت مثل امي صح اتكعدني اببسطه واتكومني اببسطه بس المسامح كريم المهم سامحهه الامير واتزوج سندلا بعد ان اقام حفله كبيره وعزم كللللللللللللللل الناس ماعدا زوجة ابوهه وبناتهه طبعا ..............وعاشو في تبات ونبات وخلفو صبيان وبنات وعاشو عيشه سعيدة

لو جان بيتنه بعيد جان جبتلكم حكة زبيب........ ولو جان بينه بالنص جان جبتلك حكه حمص ..ولو جان بيتنه وره الباب جان جبتلكم رطب واعناب



طبعا اشكر كل من يقرا القصه وايضيف تعليق جميل يكمل لون المزحه في القصه :b,v,f:

ههههههه ولو مو كلش ههههههه بس هههه مشكور مدير سياف والفراشه على الردود